الحب الحنين جوايا عشش واترسم جواة غناوى واتقسم ليلى يا غالية ايوه بينّا بالتساوى كل دقة ف قلبى .. ليكى نصها .. والنص لىّ واما القاك ف حاجة للمشاعر بدهالك كلها وانا... طظ فىّ. و الكره
والشخط و التنطيت ولا حبش المنقلة والرسم والتخطيط انا دغرى واد فهلوى واجنن العفريت وارفع ثلاثى الهرم .. على عودين كبريت و الحرية يا حمقة قوم اختشى بطّل بقى تعريض والنقطة دى تتلشى اللى ف ضاد تعريض علشان تكية اشى مايانة بالتعريض خلّت ضميرنا مشى واللى قاعد ده مريض والله يعوض بقى ..
يوم الميلاد أبويا عرى لفتى شفني ضحك قلبة انشرح شفتة فرح لما كشف عنى لقاني جيت ولد يومها صمت لكن قلبه كان بينطق أحلى ما جبتي يا بلد ابني الولد * * * صاحت الدايه قالت له ..حلو احمد؟ قال لها والله ما أرد ليكى كلمة اسمه احمد حلو .. حلو احمد وانطلق يكتب بيانات الشهادة قال له عامل السجل يلا ملى ابني احمد لونة مصري طولة مصري .. حلمة مصري .. وابتدى بميلآدة عصرة ويا عصري والمهم فكل ده انه مصري ابن مصري أنولد واحد وعشرين شهر مارس وانتهى فصل الشتا وابتدى فصل الربيع والدنيا بدأت مع ميلآدة بخفه تبدل جلدها يضحك يفتح ورد احمر.. لوغاغا ..يظهر القرنفل ويا زهر السيسبان قلبة جرئ رغم الصغر عمرة ومش هيكون جبان يعملها على اجدع وزير يحبى على سجاد موكيت وكمان بيلعب ف التراب يخسف مظالم العباد ف الأرض يلمس السحاب .. ويحارب الشيطان ب أأه.. وإما يكبر تبقى لا وامايفهم تبقى لا و ألف لا يبتدى المشوار بزقه.. يمشى ما يبصش ورا لو إيه حصل لو إيه جرى عمرة ما يعرف خباثة ولا حتى غاوي منظرة ابني أصيل زى البلد دى واللي منها اللي فيها لو تفتش جوه قلبه.. تلقى ميت صندوق دهب جواه حافظها حواه خافيها م الورا * * * هو ده ابني يا مندوب الحكومة مخلوق نقى .. عمره ما يعرف خصومه وطني طالع لي .. زى أمه .. وأخته نومه.. وأخته سومه.
دابت فيها عنيه عجبتنى الحتة دية قولت ابداء الوصال (2) قربت من قومها لمس ودنى كلامها الخارج من شفايف زى كريزة حلال (3) قولت الطع التحية نظرت هيه اليّ اكيد يا خلق هووه دوت يبقي الدلال وهاخد رندفووه لو طولت النضال (5) ورحت انا اغازل وهيه تشراب.. نظرت لىّ بشراسة زى كلاب الحراسة طلبت رقم بسرعة وهيه ثايره ,ولعه واكمن هيه فرعة ماسمعتش اية بتقول وف ثانية جانى حيطة لبس بدلة غبيطة كتّفنى ابن العبيطة ماعرفتش اعمل اية! سالتة: مين سعادتك؟ قالى :هتعرف سيادتك.. اركب بالزوق,هودتة.. وهعافر بس ليه؟! عربية سودة فخمة هي اللى جات خدتنى ولحتة هادية رخمة فيها نزلتنى ...... وخدت علقة موكن ف ركن فيلا اظن والضرب كان بفن يوجع ما يسيب اثر وقعدت يومين تلاتة عايش ف هالغتاتة وعقابى ب بساطة ع الضرب اقتصر (14) اتارى ابوها رتبة ومامتها تبقى نايبه شوفتوشى ديه نايبه
(1)
ع النصية لولبية
تروح يمين وراها
تزوغ شمال وراها
وكان غرضى صراحة
اوصل لمنتهاها
(1) ف الشباك .. انا قاعد سارح زى امبارح يلعب اولة يلعب رفّة يعمل ديرة… عريس و عروسة يعمل زفه وامى الخايفة تعدى عليّ تقولي اوعاك اوعاك تسهى وتجرى هناك عند العربية وتنادى عليّ ف اخر اليوم اطلع يا عنية اتعشى ونام (2) وصحيت م النوم على ورقة ف ايدى ماليها كلام مالهاش اى علاقة بمنهج عدّى مصحح.. خدها وعلم ع الاجابات بطنى تكركب .. صدرى بينهج.. حطّ عليها علامة اكس بعرض الصفحة شفت حمرها الدامى .. اتهدت كل الدنيا ……………….. ……………….. ……………….. ورغم اننا خبتها بحنكة تحت ليانة الكنبة الاانها متبروزة جوه خيالي الواسع زى الغيط واما كبرت.. ده كله نسيت بس هويت اسرح ف الذكرى تجرى ف بالى .. اجرى وراها او تجعلنى اطير ف سماها وسواعى كتير بالقاها عروسة تضج انوثة ف وسط اشواقى فامارس حقى الشرعى معاها ونهاية حبى الغامر ليها ازهق منها واسيبها واجمع (سى ديهاتى ) وتصاويرى والملم ذاتى وابعتهم علي بيتنا التانى وهناك.. راح اعلق احلامى على نص الحيط والنص التانى هشخبط فوقة بطباشيرى وهالون حيرتى وتعابيرى لكن مش هقدر بشطارتى استذكى هناك واغير فى معالم قدرى مش هقدر اقطع م الدفتر اتفة افعالى او ازور صفحة ف مصيرى (3) اصل انا ف الاول والاخر مخلوق فنان والفن بيلعب بمصيرى والفن اساسه .. اساسه الوهم والوهم مايعرفش الواقع زى ما ابليس ما بيتنكر م العبد الحر بعد ما جرة - ف لحظة ضعف – لخط الكفر والكفر الكافر ... ما بيعرف عذر واسباب! (4) ولدى الاسباب انا قاعد بكتب وبغنى (على قد الشوق) .. جنب الشباك وخيالى على الارض بيجرى على شجلاة ضليلة ويقطعها ويمزع ف جزوعها شرايح ويرصص الوحها الجامدة.. على وش الارض ويحدد اقامتها باسوار ويقيم لها سقف وقعد جنبيها مستنى الشمس تغيب علشان يلاغينى وينده لى يلا يا غلبان قوم واتشطف ..بتفرج على شكلى بيلعب وسط الحارة
المراة عالم صغير..ضيق ولكن محير!!,ان لعبت فكل الاعيبها مكشوفة وان كذبت فكل اكذيبها مفضوحة..وان بكت فكل دموعها مغشوشة لكن ان احبت فكل كيانها لك..بلا تردد ولا مراوغة وانت يا عزيزى الرجل تحب بسهولة وتسلم لها قلبك بكل بساطة,اما هى لاتفرط فى قلبها بهذا اليسر بل هي قادرةعلى ان تجعل الف قلب وقلب يتعلق بها ويتمنها ويسهر من اجلها اما هى فيظل قلبها خالى بلا حب فالمراة لا تبحث عن الرجل المسبسب ولا الرجل الفلاندينو مقطع السمكة وذيلها,ولا يبهرها الرجل الطويل العريض ابو عضلات منفوخة,وهى لا تبحث عن الرجل النبى الذى لا اخطاء له ولا عيوب,انما يكن بحثها على-الرجل- حفيدآدم والوارث عنه كل العيوب والاخطاء والغرائز و الحسانات, انها تبحث عن الرجل بعبله!! والرجل يعرف من كلمته..والكلام هو اول مفاتيح قلب المراة,فهى عاطفية اكثر من الرجل,واذا كان يغريك فيها انوثتها فيغريها فيك كلامك ,وقالت مارلين مورلو في هذا الامر"الرجل يحب عن طريق عينية..اما المراة فعن طريق اذنها" فاستخدام الكلام وتوظيفه فى الحديث مع المراة له اثر كبير على نفسيتها *حنفى!- ترااااك - مافيش حنفى اول شئ يجب عليك فعله تجاه المراة النشودة هو ان تلفت نظرها اليك وتخصك انت بالتفكير رغم كثرة من يطلبون ودها "ده اذا كان عليها الطلب" وهذا لن ياتى الا بمعاملتك المختلفة لها عن باقى الناس ,فاذا كانوا يعملون لها الف حساب..تجاهلها,واذاكانوا يعاملها برقه كن خشن معها,وان كانت عصبية عاملها ببرود,اما اذا كانت تملك من الجمال والانوثة ما يسلب العقل فعاملهاكانها هواء لا يستطيع تحريك شعرة واحدة فيك . معاملتك المختلفة لهاستصدمهاوتجعلها تعيد النظر فى نفسها وعندما تجد كل شئ طبيعى فيها ستعيد النظر فيك وهنا ستفكر فى امرك فالمراة تعرف انها سلاح اذا رفع الرجل- اى رجل- سيستسلم لها على الفور,ولكن اذا كسرت انت تلك القاعدة ستكون الرجل المفضل لان المراة تكرة الرجل الضعيف امامها..ومهماكانت ترغب فى ان يكون شريك حياتها طاعا لها ومن اديها دى لااديها دى الا انها اذا وجدت فيه هذا ستكره هذا الشريك وتكره حياتها كلها,لان حواء تجد نفسها فى الضعفوالطاعة ومهما بلغت قوتها تحب ان تكون دائما مكسورة الجناح مع الرجل المنشود *بخخخخخ.. انا بحبك واذا كانت المراة التى تريدها لا تشعر بك وتتردد فى الاعتراف لها بحبك,فعليك بالابتعاد عنها ماديا..ولكن طاردها بحبك فى كل مكان ,بشرط..ان تكون مجهول عندها, مثلا ..ارسل لها رسائل بلا توقيع بحيث يكون مضمون الرساله لا يتعدى الجملة الواحدة, اتصل بها واسمع صوتها فقط دون ان تتحدث اليها..ابعث لها بهدية بسيطة..ابرق لها ببرقيةعزاء فى الماتم وتهنئة فى الافراح ..اجعلها تجد اثرك فى كل مكان و زمان.هذا كلة سيجعل عقلها يفكر فيك وقلبها ينشغل بك ,ولا بد لنجاح هذه الخطه ان تطول مدتها وتاخذ فترة كبيرة..بعدها تقدم لها عن طريق الهاتف وعرفها بنفسك......وماتنساش تدعيلى *كده؟!! مااااااااااشى . واذا كنت تحب امراة تعطيها من الحب الكثير ولا تعطيك هى اي شئ ولا حتى تقدر هذا الحب..لا تفعل معها اى شئ سوىان تهملها!! تظاهر امامها انها ليست بالنسبه لك الحبيبه التى تتمناها,وتغير معها,انسى عيد حبكما وعيد الحب العالمى والمصرى ,تظاهر حينماتكون معا بالشرود,قلل من مقابلتك و اتصالاتك بها ,اجعل منهجك معها الصمت والشرود والنسيان..حينها ستقلق ومخها يودى ويجيب...انه كرهنى انه انشغل بغيرى انا السبب..انا السبب,وتحاول ان تفعل المستحيل من اجل ان تجعلك تعود معها كما كنت فى الماضى ..ولكن لاتعود- مدلوق- كما كنت ولكن اعطها الجب بالقطارة و........ماتنساش تدعيلى. *يا سيدى حن عليها . واهم شئ لابد ان يتوفر بك لتجذب قلب المراة نحوك هو الحنان,فالقوة بلا حنان قطار بلا فرامل يدوس من يقف فى طريقة. فالمراة مهما كانت قوية ومهما كانت قاسية ومهما كانت تعتمد على نفسها فهى اضعف ما يمكن امام كلمة حنان ودفء واحدة, فالحنان بالنسبة للمراة هو البطارية التى تساعدها على البقاء,هو الدافع الذى يعطي محركاتها الطاقة الازمة للسير بين تضاريس الحياة من مرتفعات ومنخفضات وحدود ومصاعب,هو المدفئة التى تجلس وتنام وتصحو بجوارها فى الشتاء..وهو النسمات الباردةالتى تنعشها وتسعدهاوتبللجبينها بالنورفي الصيف,هو اهم ما تحتاجة المراة . *خف . . تعوم . لم ينقص الا ان تزين افعالك معها بخفة الظل,كن فى حياتها البسمة وحاول ان ترسمها على شفتيها دائما بكل ظرف و لطف.. وليس معنى هذا ان تستحيل ل "اسماعيل ياسين", ولكن كن منضبط فى نسب مرحك فى كلامك معها. *واخيرا.... كن واثقا من نفسك فى كل افعالك و قراراتك امامها لان ثقتك فى نفسك هى رصيدك عندها و..........ربنا يتمم بخير
يااااااااه دنيا ..دنيا الانسان فيها ضيف لازم ياسى لازم يطاطى عشان يعرف يعيش ! هو ده حال الزمن لا بيسيب اللى ماشى ..ماشى ,ولا اللى قاعد.. قاعد ولا اللى بيكتب..بيكتب ,فانا مثلا كنت فشبابى عفى..قوى.. مايهمنى الشديد القوى ,ايامها كنت شغال مع واحد جرنانجى ..كان زى الفل ,بيكتب ف الرياضة زى الحلاوة وفالفن زى الموس وحبب الاموات ف صفحة الوفيات وكان محبوب جدا لخفة ظلة ..وعشان كدة الوزير الفلانى شجعة والمسؤل العلانى رقاه , وراح كل يوم حفلات وندوات وعزومات ...وهكذا,. لحد ما جه يوم عرض علىّ فكرة الكتابة ف باب دايما بينفد ع الوفيات! انا عرفت كده قلبى وقع ف اللبيسة,مانعته..قاومته..وقفت ع الورق واتسمرت ,لكنه دايما بيكون اقوى منّى- اصلة عفى جدا.. زقنى بعزم ما فية, قاومت..عافرت..زهقت..طهقت..كتبت..ندمت!! وبعد اول ليلة من تنفيذ الفكرة ,وف نص الليل واحنا قعدين ع المكتب بنشتغل كالعادة..لقينا الباب بيخبط بشدة!..استغربنا جدا ,يا ترى مين اللى هيجلنا الساعادى؟؟! وقبل ما يفكر صحبى يروح يفتح الباب لقى الباب هو اللى جاى علية انا شفت كده حبرى نشف وقلبى انخلع من مكانه,امّاصاحبنا الجرنانجى اتنطر من ع الكرسى اللى كان علية ,مين اللى نطره واتنطر ازاى ..ما شفتش,الحاجة الوحيدة اللى شفتها لقيت ايد مش عادية بتنتشنى من ايد صحبى وبتحدفنى بقوة ف نص الحيطة بعدها فقدت الوعى . وبعد ما فقت م الغيبوبة لقيت سنى مكسور مع وجود بعض الكدمات ف الانبوبة,ولقيت الدكاترة بتقولى انى مصاب بشلل نصفى وهتلاقى صعوبة ف عملية الاخراج..لكن مع العلاج الطبيعى هتتحسن. وبعد كام يوم- وانا بقراء الجرايد زى العادة - لقيت المقال اللى كتبناه انا وصحبى مكتوب بالبنط العريض ف الجرنال ,فرحت له جدا ,وف الصفحة اللى وراها لقيت مانشت بنفس البنط بيقول " انتحار الجرنانجى عبده المدب بسبب صدمة عاطفية حادة " . استغربت جدا:بقى عبده المدب ينتحر عشان صدمة عاطفية؟! وكمان حادة !!, ده ما يعرفش شكل الحريم ايه! وما قدرتش اتحمل الصدمة واتصبت بشلل عام خلانى القى صعوبة ف المشى ع السطر ,ومانعنى الدكاترة من كتابة اى كلمة فيها حرف السين, وبعد سنين..اتحسنت وبقيت اقدر اتنقل ع الورق, ولقيت لى شغلانةفى مؤسسة حكومية وكان شغلى ينحصر فى حل الكلمات المتقاطعة,....بزمتكم مش احسن من الاعدة؟؟
ولد خيبان
<<الصفحة الرئيسية
