الجمعة, 20 اكتوبر, 2006
لامى الحبيبه
احزنى الكآيب
لعين طرحة طيبة
ف غيط اوى ديب
لاجراس كنيسة
وجامع يأدّن .. سؤالى موجّة
لجبنة طرية .. وعشنا الملدّن
لكشكول دراسة مكلبش ف باطى
وعيل يلون على الحيط بصبعة
قلوب فيها اسمه ..
واسم اللى جنبه
لذكرى قديمة..
فجرحى المعلم.. فكوعى المخبّى
ف لبسى المهندم
لبقلنا" جابر " و " عبده " المبيض
يا كاسى حيطانا بالوان زمان
لاستازى " بدوى " بعنفه المزنهر
وواحد زميلى بيسقط تمالى
لانه بيفهم
لكحكة غبية ف دوسيهى الدراسى
وفكرة شقية على الراس بترسى
لدقة مداسى ف كعبى المحنى ..
بريحة بلدنا
لكام فرع زينة بيوصل ما بينا وبين الجيران
ف شهر الصيام ..
لطبلة تسحر ..
ولقمة تفطر..
لمون " ام عبد الحكيم " المزهر بطعم المزازة
تدوقة تقشعر
وتقعد تفكر ف لغز الحياة..
تدقق ف ضلمة جبينها المشقق
وعطشان صبى
تشوف العبرة..
ولا تتعظ
لعودى المآوح
وقولى المناطح
وكام قلب دابح ف جوفى ابتسامى
لكل الاسامى عتولة زمان
فلاسفة و هلافتة
لكل اللى كاين .. وكل اللى كان
آمانة تقولولى ..................
...................................
..................................
انا عمرى كام
<<الصفحة الرئيسية
