في بلاد الهستمئ

              أمشى امرح هأ هأ

              اركب الأتوبيس ازق

              يصرخ الناس تؤ تؤ

              اعرف أن حمقة شق

              جيب صحبنا المستزق

              هأ .. هأ .. هأ .. هأ

              تؤ .. تؤ .. تؤ .. تؤ

              اصل أنا  مبقولش لا

              اى حاجة تيجى سلق

              اخطف القرشين.. أفك                      

              مهما يبكى اى شق

              عمر ما قلبي يرق

              ناس قالولى أنت آفة

              شعرة وقعت ف الكنافة

              ناس قالولى أنت بؤ..

              راح بينهش فينا نهش

              وف عضامنا راح يدق

              قلت أصحو.. قلت فوقو

              قلت لا .. قولت تؤ..

              دي بلاد الهستمئ

              فيها ناس عمالة تهبش..

              فينا , ناس تفطر سجق

              وإحنا ناس جوعنا شبعنا

              وف شتانا غطانا برق

                            3

              هما ناس نطة وفطة

                     فوق قفانا

              وإحنا ناس من بين سننهم..    

              قول لبانة  

              يندغو فينا يدوقو حاجة حلوة

              ثم يرمونا رحيتنا ..  

              غيط نتانة

              والغلابة تأن يابا م الكآبة

              والزوات تزعق وتصرخ ..

              أف يانه

              دول رحيتهم وحشة خالص

              دول عفانة

              دول ولاد هوهو و نونو

              دول ولاد الالعبانة

              وإحنا لو بصينا مرة..

               بضهرنا جوة المرايا

              شوفنا رجليهم بجراءة ..

              معلمة على حيط قفانا