1 .. والصدفة جت حسب الميعاد مديت اديه للسما دُقت السلام والسُمرا زى الشمس يا سمرا تلسع القلب المُسالم اللى حبك حب يجهل لاحتمال وأن كان هواكِ قدر .. مطر .. نجماية ملهاش فى السهر .. دوّت نصيب الحب مش رهن السؤال زى السمار يا "سمرا" من بعدك ما احتكر كل الجمال 2 بين قلبى وهواكِ خيوط ممدوده شوق داخلين على 30 سنة واحنا لازلنا مشبوكين قلبى أنولد بخيوط حرير شبكة اديكِ الطيبين بينى وبينك الف عام بينك وبينى كوم سنين ما حال للحظة البعاد انى اكون مقتول عينيكِ الوسعانين الدفيانين المسحوبين المرسومين جوايا شوق ولوز وتين 3 يا مريونتايه يا سكنه روحى كالقمر ارخى الخيوط خلينى ارقص رقصتى حسّك قوى والحسّ عطشان ينطقك اسمك طعم .. لكنه سر بردده وحدى فى امان ياللى عشقتك من زمان داخلين على 30 سنة واحنا لازلنا مشبوكين قلبى خلاص خلاص .. خلاص اكله الحنين
الاحد, 13 سبتمبر, 2009
<<الصفحة الرئيسية
