عني:
بكل بساطة و آلاطة .. انا انسان, مانيش من عاج ولا مرمر.. انا من طينة ربانى .. تراب بلدى ونيل يسحر.. شبابى قضيتة ف الشارع
و ع النصية .. قبلت قلوب كما البلسم .. عشرت كتير وشوش قاسية..
بعاكس اى انثاية تلاغينى بسمرتها .. واغازل كل شقراية تدوبنى حلاوتها .. واسهر ليلى فوق كراسة ما تعرف حدود النوم.. واكتب فيها غنواية .. وممكن ارسم اشواقى شفايف فيها ضحكاية.. وممكن العب السيجا على المشارب واخسر واشرب "الدردع" .. وممكن ابقى واد حبيب على البت تترمى .. وكله نصيب.
ولما الشمس تتشطف .. وتنزل ع السحاب تكدح .. الم هواياواروح, تمد اديها لاديا تاخد منى لهيب الحب .. مانا خلصت وردية.
ومن كتر السهر و الوجد بقيت والله واد ملعب وصايع عشق و مدقدق وفاتح قلبى ع البحرى لمين يغرق